|
|
اولا نغسل الشعر بالشامبو العشبى وننزل عند اى كوفيره نستشور وبعد الاستشوار مكوى خلاص
اجرى على البيت واعمل الحنه زى ما مكتوب بلظبط لكن لاحظت ان الكوفيره غليت
الكوبيتين المايه مع معلقة الملح لكن فضلت تحط المايه شويه بشويه وتقلب
وتقولى انها هتاخد مايه على اد الحنه ما تلف معاها وتكون عامله كده زى
عجينة الكيكه او الكريمه خلاص
لما عملتلى شعرى لقيتها بتعمله من تحت الاول الخصل كلها ومن فوق وفى الاخر
جابت الحنه وعلى شعرى كله وتكبس اوى بايدها على الشعروبعدكده عملت ذيل
حصان للشعر وربطته باستيك هدوم عارفينه ؟طبعا ربطه واحده بس علشان اعرف
افكه من شعرى لما اغسل الحنه طبعا وبعدكده جابت شاش ابيض لفت بيه ذيل
الحصان زى ما هو مفرود يعنى حطت عليه الشاشه علشان يشرب اى سائل ينزل منك
وقالتلى سبيه شويه متغطيش شعرك دلوقتى بعد 5 دقائق غطيته بالايشرب
وربطته باحكام وخلى بالك الذيل الحصان زى ما هو يعنى مفرود على ظهرك مش هندخله تحت بونيه ولا حتى هنلفه زى ماهو بلظبط
وعليكى الايشارب وبس
بصراحه انا حطيت البونيه ولكن الذيل الحصان كان خارج البونيه وملفوف زى
الممياء كده متخيليين ؟؟؟؟؟؟؟؟؟؟؟؟؟؟؟؟؟؟ وياريت محطيت البونيه ده الاستيك
بتاعه تعبنى جدا يبقا بلاش منه ونستبدل بايشارب وده افضل من انى احط ذيل
الحصان فى البونيه طبعالان اكيد هيحصل غلط من اى واحده ومتخدتش بالها
ويتكسر فى البونيه والحنه تشتغل على الكسره وبكده العمليه تفشل
عند غسيل الشعر عاوز صبر اوى وتنزلى بشعرك فى البانيو لان الحمام عندى بقا
كله حنه من كتر ما اروح شويه البانيو وشويه الحوض فركزى كله فى البانيو
تحت الحنفيه بدون فرك خالص لما تطلع الهانم الحنه من شعرك بصراحه اصعب
خطوه والسخان هيخلص وهتضرى تستعملى المايه الى جايه منه بتكون فاتره اوى
لكن معلش نستحمل
بعدكده بقا لما تحسى ان العشبه خلاص راحت هاتى البلسم العشبى بكتره اوى
وحطى بشعرك وافركيه ببعضه ونظفيه تحت الميه وكررى العمليه مرتين تلاته
وهتلاقى العشبه سااااااابت شعرك وخلصنا
هتنشفى شعرك بالفوطة بالضغط عليه مش بالفرك بعدكده هتجيبى
زيت الزيتون هتحطى شويه على ايدك وتدعكى بيهم فرة الراس بهدوءكده وشويه
كمان للشعرلحدما تحسى انه طرى فى ايدك كده وتلفى الشعر طاقيه وتتركيه ينشف
ولما ينشف تقلبيه الجنب التاني وتقعدى 3ايام بدون ما تغسلى شعرك ولا تحطى
عليه اى زيوت ولا كريمات خلاص لكن خلى بالك فى ال3 ايام دول هتلفى شعرك
مساءبس قبل النوم والصبح تفرديه طول النهارفى البيت وهكذا
كده خلصت ال3ايام خلاص هروح اغسل شعرى بقا بالبلسم تانى واقعد بردوا يومين
بعدها شعرى مش يلمس المايه ابدا لكن الفه فقط مساء وافرده طول النهار
اليومين خلصو يبقا خلاص عيشى حياتك طبيعى وادهنى بقا كريم واغسلى شعرك بالشامبو او متغسليش براحتك وخلاص تمت العمليه بنجاح
|
|
| التقويم |
| « مايو 2024 » | | إث | ث | أر | خ | ج | س | أح | | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 |
|
|
